هل الرجل يصنع المرأة أم المرأة تصنع الرجل؟

السلام عليكم ورحمة الله وبركاته




(( الرجل والمرأه ... لا يستطيع احدهما ان يصنع الاخر بل واجب كل منهما ان يعين الاخر علي صنع نفسه ))

ده كان رأيي بايجااز لما شفت القصه

لكن تعمدت اني مزودش ولا كلمه علي التوبيك
وأأجل رايي

لكن شفت الكلام اللي اتمنيت اشوفه

..............

حامد



ده حقيقي
المرأه هنا مش هيا اللي عملت من زوجها رجل ناجح.. هو اللي جد وتعب واشتغل

لكن نرجع ونقول انه كان طول حياته قبلها انسان مش ناجح

(اذا نستنتج من ده انها هنا قامت بدور العامل الحفاز اللي حفزه لاستغلال طاقته لما احتاجها

وده بيأيد كلامك يا حامد فانها ممكن تكون دافع للنجاح)



..........


منطقي جدا...

يعني لو حد رايح مشوار ومش فارقه معاه انه يوصل.. النهارده بكره الاسبوع الجاي
مش هتفرق اصلا
لو نازل والعربيه عطلت مش مشكله هيفضل مش هيستعين ببدائل
خلصت فيوم خلصت فاسبوع هيفضل غير مكترث مهما حاولو يقنعوه

معني كده ان المحرك الاساسي اللي بيدفع الشخص انه ينجز

هيا الاراده الداخليه
اللي بيملكها هو ويتحكم فيها ويديرها هو برده مش حد تاني

وبما ان الاراده دي درجاااات فهيا بتحتاج لحوافز ترفعها وتعليها

من الحوافز دي او أهمها وجود حد جنبك .. يهتم لامرك .. يشجعك ويساندك ويشد من ازرك

لو تعبت او يأست تلاقي اللي يخفف عنك ..يبسط المصاعب قدامك ويرسم لك طريقك مفروش بالورد ومكلل بالحب

لو نجحت بتحس بمكافئته ليك هيا السعاده اللي اترسمت فقلبه بسبب نجاحك



بمساعده كل ده تقدر تصنع مكانه لشخص ولكن دون غياب ارادته هو شخصيا



وأحب اركز علي ان سواء الرجل او المرأه قام بدور المأزره ده فالمفروض انه يكون بس بدافع ان ده واجبي

ومسؤليتي مش اكتر من كده

يعني مش فضل مني او حاجه بنستني عليها الشكر





وصلت يا ميدو وبحييك بجد علي منطقيتها وايجابيتها

وبجد بشكرك علي اسعادي دوما برقي وثراء مرورك

تقبل ارق تحياتي وسلامي