تعو تغدو معي فروج بالبطاطا >>> فراخ بالبطاطس يعني

بعد السلام ايه رايكم اليوم عازمتكم معي عالاكل



بس اتمنى اكلي يعجبكم


اليوم عملت اكله عالسريع وهي فروج بالبطاطا


يعني دجاج وبطاطا (( فراخ بالبطاطس ))



طبعا هي اكله كتير بسيطه وما بدها شغل كتير


بس للاسف ما عندي صورة كنت عرضتها


المهم المقادير بمنتهى البساطه عباره عن

لنقول كميه صغيره


كيلو بطاطا

وجاجه

وتوم

زيت

اما بهارات حسب الرغبه ا (( تتبيلة الجاج ))


مع تتبيلة الجاج بتطلع الذ من البهارات


طبعا بنقشر البطاطا ونقطعها على شكل دائري


وبنقطع الجاجه في حال مو مقطعه وطبعا لو الشخص بيحب شي معين


يعني مثلا اصدر او الفخاد ممكن يجيب بس الشي يلي بيحبو


مو ضروري الجاجه كلها


نرجع للاكل


بعد ما قطعنا البطاطا والجاج

بنجي ونحط سيلوفون او ورق بارضية الصينيه مو ضروري ممكن نكتفي بدهن الصينيه


بشوية زيت عموما هي لمجرد ان الاكل ما يعلق بالصينيه

بنجيب صحن صغير بنحط في زيت طبعا حسب الرغبه


ممكن زيت زيتون او ذره الاول بنحط البطاطا ونضيف الها شوي صغيره من الزيت


بالاضافه للتوم وتتبيلة الجاج ونخلطهم منيح ونحطهم بارضية الصينيه


وبنيجي عالجاج ندخل كل قطعه لوحدها ونضيف بشويش


التوم والتتبيله و ما نكتر كتير بس نمررها على القطعه بشكل كامل

عشان تاخد طعم بشكل منيح


بعد ما خلصنا بنصف الجاج فوق البطاطا بنحطها بالفرن


على درجة حرارة 180 لمدة ساعه او ساعه وربع حسب كيف بتحبوها مستويه كتير

الجاج او مو كتير بس مو اقل من ساعه


وصحتين وهنا اتمنى تعجبكم وانا حكيتها بنفس ما ساويتها

يعني كانكم كنتو معي


بس متل ما قلت للاسف ما عندي صورة للعرض




بس يللا قررت اغش شو رايكم


جبت هالصورة بس الصورة هي لجاج مشوي واحنا جاجنا بالفرن


لهيك معلش غمضو عيونكم هي مجرد تشبيه







(( على فكرة يلي بساويها انا احلى ))

يسلمووو اعتصاام على الاكله



بس اجيب الدجاجه دكر ولا نتايه


تسلم ايدك



تقبلى تحياتى