 |
 |  |  |  | ||||||||
| |||||||||||
 |  |  | |||||||||
| ۩♥۩-منتدى المحبه مذكرات عضو-۩♥۩ |
 الإهداءات |
 |
| | LinkBack | أدوات الموضوع | إبحث في هذا الموضوع | طرق عرض الموضوع |
02-07-2007, 10:41 PM
| #1 (permalink) | |||||||||
|  صفحات متطايرة من ذكرياتي >>> فيها الدمعه والابتسامه  من اسعد ايام حياتي اللي عمري ما بنساها بالعكس كل ما بكبر سنه بتاثر فيني اكتر كنت وقتا بالصف التالت وكان مصادف 27 - 01 يومها اجا بابا عالبيت تعبان وبسبب ظروف الحرب بالكويت الكل نفسيتو كانت سيئه نوعا ما كنا وقتا دخلنا احنا عالنوم كنا بنام الساعه 7 ونص بليل اجا هو وشافنا قبل مننام وراح يرتاح ما مضى عشر دقايق لقيتو بينده علينا طبعا رحنا نشوف شو في قال يللا الكل يلبس بسرعه كانت مفاجاة وقتا لان احنا ما كان نضل بعد السبعه ونص بس لانو قال ساوينا على ما لبسنا وهيك اخدنا معو وقتا كنا نقول عليها جمعيه متل السنتر هلا لما وصلنا اخدني اول شي قسم الملابس قالي اختار يلي بدك يا وقتا ما كنت متعوده انا اختار بس يومها هو قال ما حدا بيختارلي انا لازم اختار المهم اخترت وقتا الفستان يلي عجبني واخدني قسم الالعاب اخترت اللعبه يلي حبيتها بعدها اخدني لمحل الحلويات اخترت قالب الكاتو ورحنا قعدنا في مطعم احتفلنا بعيد ميلادي طبعا انا ما كنت نسيانه بس افتكرتهم نسيو بس ما حكيت يعني هي فرحة اي طفل وقتا المهم احتفلنا وكنت انا طايره من الفرحه لان انا ما كان بحب او متعوده اختار لنفسي وبهاليوم بابا خلاني اختار كل شي لحالي وغير هيك اخدنا سهرنا برا واول مره اتاخر بالنوم يعني بشكل عام كانت ليله كتير مميزة بس هاد كلو ما خلاها احلى ليله عندي ........... يلي خلاها من احلى واغلى ليالي عمري ان بعد ما رجعنا عالبيت وجهزنا نفسنا عالنوم ودخلت لانام بابا ندهلي رحت لشوف شو بدو بتطلع في اخدني قعدني بحضنو واتطلع فيي وقال ما تزعلي مني لاني انشغلت اليوم عن عيد ميلادك اتطلعت وقتا شفت الدمعه غاصه بعيونو حسيت كانو بيقول ما عندي اغلى منك بالدنيا وقتا كنت صغيره فرحت وحسيت في بس كل ما عماكبر بتذكر هديك اللحظه بحس اديشو رااااااائع وبحس اديش بحبوووووو وبتمنى كتير اني ارجع صغيره وما اكبر ويضل ياخدني بحضنو ومن حبو النا صار هو اغلى مخلوق عندي من بعد رب العالمين ومن حبي الو ولقلبو اللي ما الو مثيل حبيت يكون احساسي في اول شي اكتبو لانو بالفعل اروع واحلى شي بحياتي (( يمكن ما عرفت اوصل الشي يلي صار منيح ولا احساسي وقتها بس يلي بعرفو اني كنت حابه يكون هاد اول موضوع بكتبو لانو من احلى ذكريات عمري )) | |||||||||
|  |
|
02-17-2007, 04:30 PM
| #2 (permalink) | |||||||||
| مبارح كان يوم غريب ما كان عندي شي اساوي ومع هيك كنت حابه ما اساوي اي شي وبالفعل ما ساويت ولا شي لا طلعت من البيت ولا دخلت نت ولا ساويت اي شي حتى التفكير قلت بدي اعملو يوم تامل ومع هيك ما عرفت ما بعرف ليش ولا كيف بس قضيت يوم بكاملو بلا ولا اي شيييي اليوم لما بفكر بمبارح ضحكت في انسان بيضيع يوم بكاملو من عمرو بلا اي معنى طلعت انا ساويت هيك | |||||||||
|
| |
|
02-17-2007, 09:38 PM
| #3 (permalink) | |||||||||
| ما بعرف لا شو ولا ليش بدي اكتب هلا بس بعرف في ناس وحشوني كتير وما بعرف حتى كيف اتطمن عليهم ولا بعرف اي شي عنهم بس يلي بعرفو اني بدعي لربي يكونو بالف خيررررر ويطمني عليهم بسرعه | |||||||||
|
| |
|
02-19-2007, 03:47 PM
| #4 (permalink) | |||||||||
| اليوووووووووم بكتب وببكي وبضحك فرحانه وما بعرف شو اعمل اليوم صديقة عمري وتوأم روحي اكتر انسانه قريبه مني واكتر انسانه شاركتني حياتي اكتر وحده ضحكت معها وفرحت معها زعلت وبكيت وكانت معي ويلي صارلي مده طويله في زعل بينا اتصلت فيني اليوووووووم اول ما كلمتني ما عرفتها بتقولي عرفتيني قلت لا فضلت تحكيلي اشيا عشناها سوا دمعو عيوني بس ما خطرلي تكون هي قالت لسا قلتلها اي لسا ما عرفتك قالتلي انا .................. ما فيني احكي شعوري لحظتها ما فيني اوصف احساسي يلي بعرفو سالتني سؤال بايخ قالت ايش ما بدك تكلميني ولا لسا زعلانه ما عرفت غير اني بقول زعلانه وانا ببكي >>>>> مجنونه شوي هههههههههه قلتلها شو زعل ايش في ليش بكلمه نسيت كل شي قالتلي خايفه تكلمني لما اكلمها واني وحشتها قلتلها انها وحشتني اكتر واتكلمنا ياااااا ربي وربي فرحااااااااااانه كتييييييييييييررررررررررررررررر حقيقه حلم خيال شو كان بالظبط ما بعرف بس بعد سنيييييييييييييييين طوووووووويله رجعتلي توام روحي بجد فرحانه لانها رجعت وزعلانه عالسنين اللي راحت عالفاضي واحنا ما بنكلم بعض بجد فرحانه واي كلام ما يعادل يلي بحسووووووو الحمدلله رب العالمين اكبر واروع من اي وكل حدا خسرت ناس غدرو فيي بس رجعلي احب الناس لقلبي رجعلي اغلى انسانه عندي الف شكر الك يا ملك قلبي وروحي | |||||||||
|
| |
|
02-22-2007, 12:14 AM
| #5 (permalink) | |||||||||
| مسا الخير اليوم راح افتح صفحة قديييييييييييمه من صفحات ذكرياتي صفحة عمرها سنيييين كنا كل سنه بننزل بيت جدي بنصيف هونيك ما كان في اروع من هداك المنظر منظر الطبيعه الجبل البرد يلي بعز الصيف لما بتطلع من بيتك بعز الصيف ومعك جاكيت خفيف بتنزل لتتمشى بتلاقي حواليك الشجر والاراضي اللي متل النزله الحقول المليانه خير والعصافير يلي بتصحى عبكيررررر منظر النجوم بهديك السما الصافيه يلي بيهز فؤاد اي انسان كان احلى واروع شي ببيت جدي ويلي احلى من كل اللي ذكرتو هو جدي الله يرحمو كان وقتا عمرو بالستينات بس كان حليوووة كتير كان من اطيب البشر يلي ممكن تشوفهم رجال عمرو بالستينات بيوقف ليرحب بالرجال يلي اكبر منو وللطفل يلي عمرو سنين لما بيقعد معو رجال كبير كنت بتلاقي جدي علامه وعالم انسان ناضج بكل معنى الكلمه ولما كنا بنقعد معو نمزح ونضحك يااااا ربي كانو طفل صغير ادنا كان هو احلى واكتر شي بيربطنا بسوريا كانت امي مولعه في ونحن كنا بنموت في لطيبتو واسلوبو ومزحو وضحكتو كان دايما بيحكي كلمتو المعتاده اول ما يشوفنا (( البنت الحلوة اكبر بلوة )) كنا شي نضحك وشي نزعل لحد ما فهمنا معناها وعرفنا انو صح وان فعلا الجمال على اد ما هو حلو ونعمه بيكون نقمه ويمكن هاد من الاسباب يلي بتخليني ما بحب الحلوين ههههههههههههه في يوم وبعز الشتي اجانا تلفون يلي بعرفو الدنيا قامت بالبيت وماما صارت بتجهز حالها بدها تسافر طبعا اجت حكت النا انها مسافره قالت يومها ان جدو تعبان وقع وتاذى ضهرو ونقلو على مشفى الاسد بالشام ولازم تسافر تتطمن علي وقتها سافرت هي وخوالي بابا ما سافر كان عندو شغل واحنا ما سافرنا عشان المدارس هونيك بالجبل بالصيف متل ما ذكرت برد بيصير فتخيلو بالشتى كيف المهم مضى خمس ايام ماما اتصلت اول ما وصلت الشام ولمدة تلت ايام بعدها واحنا بنتصل فيها وهي بتتصل بنتظمن على جدو لوقت ما قالت انو صار منيح وراح يودو عالبيت وهي راح تروح معو تتطمن علي منيح وتيجي المشكله الوحيده كانت ان بالضيعه بيصير تلج او مو تلج عواصف تلجيه لدرجة كتير اوقات بيتعطل المواصلات المهم مر اسبوع لا ماما بتتصل ولا بنعرف اي شي وبابا كمان وقتا قال مسافر طبعا احنا كنا هنجن لنتطمن على جدو ونعرف اخبار ماما بس كل ما نسال بيحكو التلج سبب قطع المواصلات وحتى الاتصالات ضعيفه وسافر بابا وضلينا انا واخواتي عند قرايبنا مرت ايام بعدها وكل يوم نشوف بالاخبار على الطريق عندهم صاير حوادث وبالفعل قطعو خطوط السير بسبب التلوج ما كان في اي اتصال وكنا صغار وقتا ومستنيين رجعتهم وما كانو يرجعو وبيوم كنت بالمدرسه وكنا بالفرصه الكل كانو بيلعبو الا انا كنت قاعده على طرف ما فيي العب ولا اساوي اي شي يومها اجت قريبتي بتحكي تعي العبي معنا قلتلها معلش روحي ما بدي انا ما رضيت تتركني ما قدرت صرت ابكي بهاللحظه اجت بنت جيرانا بالحاره لما شافتني ببكي سالت قريبتي قالتلها شو باين قلتيلها والتانيه صارت تاشر عشان تسكت ساعتها انا ما بعرف شو احكي شو صارلي صرت اصرخ شو في كل بالي كان الحوادث يلي صارت ما كنت بفكر باي شي تاني بهديك اللحظه قالتلي قريبتي ان (( جدو توفى )) وعشان هيك ماما اتاخرت وبابا سافر الشي الوحيد يلي فكرت في لحظتها اني ما شفت جدي قبل ميتوفى والاهم ان اذا انا عماحس اني روحي ضاعت مني وانا طفله وهو جدي يا ترى ماما كيف كانت بهداك الوقت وهي يلي علمتني كيف احب جدي لهالدرجه بس بنرجع دايما وبنقول الف الحمدلله على كل شي والحمدلله اني صارلي اشوف جدي واعرف اديشو كان طيب والعتره على اولاد اخوالي يلي ما صحلهم حتى يشوفو ويحسو بطيبتو واديشو كان رائع | |||||||||
|
| |
|
02-26-2007, 09:42 PM
| #6 (permalink) | |||||||||
| لا اعرف ما الذي اريد ان اضيفه الى صفحاتي المتطايره فانا لا اشعر سوى برغبه جامحه للبكاء لن اقول لا اعرف السبب فانا عرف السبب وعلها اول مره اكون فيها اكيده انني اعرف سبب ما جرى معي ولي اول مره اشعر بالحاجه للكلام لهذه الدرجه فانا اشعر نفسي في دوامه ابتدت دورانها منذ ان خسرت خسرت اشياء كثيره اود الكلام ولا اجد اذن صاغيه لهذا انطلت بين صفحات المنتدى احاول ان افجر ما يعرمني من غضب وحزن بين الصفحات تجاهلت الم يدي وتغاضيت عنهم او ربما اتعمد هذا كي اتجاهل ما اشعر به عن طريق الالم ربما اود ان اشعر بالالم كي اتجاهل الالم الذي بداخلي واعتقد اني ساكتفي بهذه الكلمات لانني اشعر ان تابعت ساكتب اشيا لا اود ان اكتبها وستبدا دموعي بالتدفق وهذا ما احاول منذ فترة السيطره عليه لهذا ساكتفي بكلماتي فان كتبت اكتر لن يستجد شي | |||||||||
|
| |
|
03-19-2007, 03:27 AM
| #7 (permalink) | |||||||||
| اليوم 19-03-2007 الساعه 16 :01 صباحا سؤال انتابني هذي اللحظات سؤالي هو ايعقل ان يكون الانسان مجرد مدايات رخيصه ايعقل ان لا يكون اي مقياس للانسان سوا بخارجه بشكله وما يمتلك اهذا اصبح انسننا ليوم ماظهر عديمة القيمه ايعقل ان يكون كل شي عبارة عن وهم مختلق نخدع انفسنا به هل كل شي حقا مجرد ماديات تافهه الم يعد للانسان قيمه الا بما يمتلك واين هي المشاعر من كل هذا اين هي الاحاسيس يبدو انها ترقد تحت التراب الى جانب العشاق القدامى ويبدو انه قد رحل معها كل جميل وقيم فان كان هذا هو مقياس الانسان بايامنا هذه فانا اكره هذا المقياس وارفض ان اقاس بميزان الماديات اكره ان تدمع عيناي لاجل اوهام واحلام تافهه لا معنى و لا قيمة لها او منها اكره ان ينتابني هذا الشعر المؤلم بالرخص لكن احقا احقا ما يستقر تفكيري هذه اللحظه احقا ما يدور في ذهني وهل هكذا مقياس الانسان لا اعرف ولا افهم ولا استطيع حتى ان اقدر ان كانت هذه هي انسانيتنا في هذا الوقت فانا اود الانسحاب منها لا اود ان اكون في عالمها انا تعمت وتعودت ان الانسان بما هو منه وعليه لا بما يملك او كيف الانسان ليس مظهرا خارجيا انما حقيقة مدفونه ضمن اعماق نفسه هذا هو الانسان مشاعر احاسيس احلام وقد يكون الكثير ايضا من الاشيا لكنه بالتاكيد ليس مجرد ماديات فانيه بالتاكيد انه يفوق اي ماديات عندما يكون بحق انسان . | |||||||||
|
| |
|
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في هذا الموضوع |
| طرق عرض الموضوع | |
|
|
العرض العادي
