وعليكم السلام ورحمة الله وبركاته
بصراحة موضوعك اللى طرحته راااائع فعلا
انا لسة طبعا مشتركة جديد معرفش المنتدى كان عامل ازاى زمان علشان اقارن بمستواه دلوقتى
بس علشان نعرف الغلط فين لازم نعرف الاول الصح اية
يعنى نشوف اية اسباب نجاح اى منتدى ونشوف احنا بنطبقها ولا لأ
يعنى مثلا المفروض كل مشرف على قسم يتواجد كل يوم على الاقل لمدة ساعتين
يتابع فيها قسمه ويشارك ايضا فى باقى الاقسام
يعنى مثلا مش علشان مشرف على قسم الالعاب مثلا يبقى مش اشترك فى باقى الاقسام
وفى حاجة كمان
تواجد المشرف او الاعضاء المتميزين كل يوم لمدة ساعة او ساعتين ومتابعتهم لقسمهم والاقسام الاخرى
بيمنع الملل شوية
يعنى ساعات الواحد منا يكتب رد على موضوع او يشارك فى لعبة
ويفضل يدخل كل يوم علشان يشوف نتيجة ردة او مشاركته
يفاجىء انه كل يوم عند دخوله ان هو آخر واحد مشارك فى اللعبة او مشترك برد على موضوع
ودة بيبقى شىء ممل جدا بصراحة
اما لو اتخيلنا ان كل واحد منا دخل ولقى عدد مشاركات كتير وناس بتشجعه ان يستمر فى اللعبة او يستمر فى ابداء رائيه هيبقى الحال افضل
كمان المفروض نزود شوية من الحاجات اللى بتجذب الاعضاء زى المسابقات او الحاجات اللى بتخلى فيه روح منافسة جميلة بين الاعضاء وتخلى العضو حاسس انه لازم يدخل كل يوم علشان يشارك وانه لو تاخر على المنتدى هيفوته كتير
واخيرا انا بعتذر عن الاطالة
تقبل تحياتى